annonse

Brann i Modalen kan vera påsett

UTRYKKING
UTRYKKING: Fredag ettermiddag rykte mannskap frå Modalen brannvern ut til Øvre Helland. (Foto: Arkiv)

Fredag ettermiddag var det brann i ei utløe ute i terrenget på Øvre Helland.

Esben Hesjedal

– Det vart først meldt inn om røyk og brann i terrenget, og brannmannskap rykte ut. Det viste seg å vera brann i ei lita utløe på kring 3 x 3 meter, fortel Per Algerøy ved politiet sin operasjonssentral.

Brannen vart meldt i 17.30-tida. Brannmannskap frå Modalen måtte gå kring 20 minutt opp Seljestigen for å ta seg fram til brannstaden. Der fekk dei sløkt brannen før løa brann ned.

– Dette var eit frittståande bygg, og det brann inne i løa. Brannvesenet meinte dette kunne vera påsett, og ei politipatrulje vart sendt til staden. Politiet har oppretta sak på hendinga, og vil etterforska det som har skjedd, seier operasjonsleiar Algerøy.

eh@vp.no

Klikk for å se kommentarar ()

Her kan du fritt koma med synspunkt og informasjon. Me krev fullt namn. Då vert det meir interessant for andre å lesa det du skriv. Trakassering, trugslar, hatske meldingar eller reklame vert ikkje akseptert på vaksdalposten.no. Falske profilar vert utestengde. Ver sakleg og vis respekt når du kommenterer.