annonse

Fann tre daude kattar

GAMLEVEGEN
GAMLEVEGEN: Mellom planovergangen og den gamle bossplassen på Dalebryggja vart det søndag funne tre daude kattar. (Foto: Esben Hesjedal)

Politiet fekk søndag ettermiddag melding om at det var funne tre daude kattar på gamlevegen mellom Dale og Stanghelle.

Esben Hesjedal

Politioverbetjent Henning Hegbom fortel at det var ein turgåar som varsla politiet.

– Ikkje langt frå planovergangen på gamlevegen fann me tre vaksne kattar, og like ved var det ein levande kattunge. Kattane var svarte og kvite, og den eine var litt brunfarge på. Me ønskjer kontakt med folk som saknar kattane sine eller som kan vita noko om denne saka, seier Hegbom.

Kattungen vart teken hand om av organisasjonen Kattens Vern. Dei tre daude kattane skal undersøkjast av veterinær.

– Det heile er litt underleg, og me ønskjer å finna ut kva som ligg bak dette. Kattane vart funne like ved vegbana, og dei verka ikkje å ha lege der lenge. Det nyoppretta Dyrepolitiet er informert. Dersom nokon veit noko som kan setjast i samband med denne saka, så ønskjer me at dei tek kontakt med politiet på Voss, seier Hegbom.

eh@vpn.no

Klikk for å se kommentarar ()

Her kan du fritt koma med synspunkt og informasjon. Me krev fullt namn. Då vert det meir interessant for andre å lesa det du skriv. Trakassering, trugslar, hatske meldingar eller reklame vert ikkje akseptert på vaksdalposten.no. Falske profilar vert utestengde. Ver sakleg og vis respekt når du kommenterer.