Trafikkulukke i Fossmark

Naudetatane rykte torsdag morgon ut til ei trafikkulukke i Fossmark, der denne bilen hadde køyrt av vegen. Foto: Vaksdal brannvern

Tidleg torsdag morgon køyrde ein bil i fjellveggen på E16 mellom Stanghelle og Vaksdal.

Politiet melde like etter ulukka at berre ein bil var involvert, og at føraren er bevisst.

Føraren vart sendt med ambulanse til Voss for sjekk.

— Bilen har hamna i fjellveggen og står i vegkanten, melder politiet.

Ikkje kø

Vegtrafikksentralen opplyser at det skal vera mogleg å passera på staden.

Klokka 07.00 skriv politiet at bilbergar var i Fossmark, og at vegen ville verta stengt ein kort periode medan ein arbeidde på staden.

Store materielle skader

Brannkoordinator Brede Tjønneland i Vaksdal brannvern opplyser at brannmannskap frå Vaksdal og Dale rykte ut til Fossmark.

— Då våre folk kom fram var ambulansen allereie på plass, og føraren vart teken med til Voss for sjekk. Det kan sjå ut som at føraren har vore heldig. Det var nokså store materielle skader på bilen, fortel Tjønneland.

Bilen har køyrt i retning Bergen, og ulukka skjedde like etter venstresvingen på den kortaste av dei to rette strekkjene i Fossmark

E16 var berre stengt ein kort periode, og det oppstod ikkje køar.

— Den eine køyrebana var open, og me kom raskt i gang med dirigering av trafikken

Artikkelen held fram under annonsen.